設計者的悲哀

我真係好想打爆新design果d food cart trays!!! 尤其係一行放4 個trays 果地細size 既!!!!

佢令到人感到好氣餒... 每次做到尾段都好想喊....

看hotnews知道此新設計的trays 係經年累月既研究... 咁究竟設計既呢班人有冇考慮到個tray有幾多位!? 兩隻細碟放appetizer, 放desert/creamer+ jam+ butter, 一隻大碟放entree再 加多一隻杯 一套刀叉套裝,.... 咁多嘢竟然畀隻細過A4 size 既盤我?????

佢地諗住計過度過郤以為剛剛能夠放晒呢d 杯杯碟碟就得? 咁其他嘢呢! ?
Entree! Yogurt! bread! 人客既drink! 人客既coffee tea! 甚至 雪糕/雪條!

準備出餐車之前, 我地要逐隻盤抽出來放d entree (餐)再放返入去, 又抽又塞... 個tray"輕星星", 又唔夠位, 上面d 嘢就飛晒出黎! 算! 跌晒响內籠揾都揾唔返.... 都算!
原先刀叉係放响"吉"既大碟上, 但我地要拎起d 刀叉放個entree (餐)上去家麻, 咁又到刀叉冇位放.... 放唔好, 上下左右都唔夠位, d trays就塞唔入... 裡面d 嘢"密質質"一個頂一個... 骨牌效應下就會有一堆放唔到!

去到serve 客時, 加多個餐包都冇位... 完全係揾位攝! 唔係就要叠上去entree上面 (果度因為冇位, 己經放左一副刀叉套裝)... 個bread叠响entree 上面度... 個包唔夠軟或唔夠啜... 就sir落黎跌落個客度 !



我想話!
唔係個tray做得夠細, 令部cart 車可以放多一行trays就咩都唔理囉!
唔係整靚d 就咩缺點都摭晒囉!

需知道我地既客人除左食, 仲好鐘意砌積木! even佢地好乖好整齊, 你畀幾多嘢人, 人地畀返幾多嘢我, 咁出餐派左果d 嘢我揾咩位放啫!!!?

激死我!

一個設計者的悲哀就是完成品只求靚而不實用! 大佬, 佢唔係fashion喎!!